உங்கள் Android சாதனங்களின் இயக்க வேகத்தை அதிகரிக்க இலகுவான படிமுறைகள்

வருடத்தின் இறுதி மாதத்தின் மற்றொரு பதிவில் உங்களோடு இணைந்து கொள்வதில் மகிழ்ச்சி. இந்தப்பதிவு இன்றைய நாட்களில் பலருக்கும் பழகிப் போய்விட்ட அல்லது மிகவும் அதிகளவில் இளைய தலைமுறையினரின் கைகளில் புழங்குகின்ற Smart phone வகை தொலைபேசிகள் மற்றும் அதனுடன் சேர்ந்தாற் போல அவ்வாறான சாதனங்களில் பெரும் பங்கினை தனதாக்கியிருக்கின்ற Android இயங்குமுறைமைகளையும் பற்றியது. தொழில்நுட்ப வலைப்பதிவு என்ற முறையில் முன்னைய பல பதிவுகளுக்காக முன்சொன்ன இவை இரண்டு பற்றியும் பல தகவல்களை தந்திருக்கிறேன். ஆனாலும் புதிய பதிவு என்ற வகையில் நான் எனது வலைப்பதிவில் Android மற்றும் Smart phone பற்றி முன்னர் சொல்லாத புதிய கருத்துக்களுடன் இந்த பதிவினை முன்வைக்கிறேன், மேலும் அறிய விரும்புபவர்கள் வகையும் தொகையும் பகுதியில் பொருத்தமான Tag இல் தேடி வாசியுங்கள். Android வகையிலான இயங்கு முறைமைகளை பொறுத்தவரையில் ஏனைய வகை Smartphone களோடு ஒப்பிடுகையில் விலை குறைவாக பெற்றுக் கொள்ள கூடியது. இலகுவாக அதனுடைய செயன்முறைகளை புரிந்து கொள்ள முடிவதுடன் அதற்கான உதிரிப்பாகங்களைக்கூட இலகுவாக சந்தையில் பெற முடியும். அந்த வகையில் பெரும்பாலான இளைய தலைமுறைனரிடையே மட்டுமன்றி உயர் தொழில் புரிவோர், ஊடகத்துறையினர், பிரபலங்கள் என பல தரப்பினரும் அவரவர் தேவைக்கேற்றால் போல பயன்படுத்துகிறனர்.

Android எனும் போது அது Smart phone மட்டுமன்றி Tablet PC வகைகளையும் குறிக்கின்றது. ஆகவே இந்தப்பதிவு Tablet PC பாவனையாளர்களுக்கும் பொருந்தும். ஒரு முழுமையான கணினிக்கு ஈடாக செயற்படக்கூடியது என்பதாலும் அதிகளவான தனிப்பயனாக்கங்களை (Customization) சாத்தியமாக்குவதாலும் நுணுக்கமான வன்பொருள் கூறுகளை கொண்டதாலும் கணினிக்கு தேவையான அனைத்து பாதுகாப்பு நடவடிக்கைகளுமே ஒரு Smart phoneஇற்கும் Tablet PC களுக்கும் தேவையாகின்றன. ஆனாலும் பலர் இது தொடர்பில் அக்கறை கொள்வதே இல்லை. இதன் விளைவு உங்களின் சாதனங்களுக்கு பாதகத்தையே உருவாக்கும். இவ்வாறு உருவாகின்ற பாதகமான சூழ்நிலைகளில் முக்கியமானது Android சாதனங்களின் இயக்க வேகம் குறைவடைவதுதான். ஆனாலும் சில எளிமையான நடவடிக்கைகள் மூலம் இது போன்ற ஆபத்துக்களை வரும் முன் காக்கலாம். 

#1 Manage Background Apps

இதனைப் பற்றி பார்ப்பதற்க்கு முன்னர் Background Programs என்பதற்க்கான சரியான புரிதல் உங்களிடம் இருக்க வேண்டும். சாதாரணமாக தனிநபர் கணினிகளையே (PC) எடுத்துக்கொண்டால் நாங்கள் எங்கள் தேவைக்கேற்ப பல மென்பொருட்களை வன்தட்டில் பதிந்து பயன்படுத்துகின்றோம். அவற்றை நாம் விரும்புகின்ற போது மட்டும் திறந்து பயன்படுத்துவோம். அவ்வாறான வேளைகளில் அவை உங்களின் System மூலமாக இயங்கும். அது சாதாரண செயல்பாடு எனினும் எல்லா வகை மென்பொருள்களும் இந்த விதியை பின்பற்றுவன அல்ல. மாறாக அவற்றின் தேவை கருதியும் அல்லது விளம்பர நோக்கம் கருதியும் சில மென்பொருள்கள் நீங்கள் விரும்பாமலேயே உங்கள்

System செயல்படுகின்ற போது பின்புலத்தில் இயங்கிக்கொண்டிருக்கும். இது உங்களின் Computer, Smart phone, Tablet PC போன்றவற்றின் இயக்கத்தை மந்தமாக்குவதுடன் உங்களால் இயல்பாக ஒரு பணியை செய்ய முடியாமலிருக்கும். இதனை தவிர்க்க அவ்வாறு தேவையில்லாமல் இயங்குகின்ற மென்பொருள்களை நிறுத்த வேண்டும். இனி உங்கள் Android சாதனங்களுக்கு வருகிறேன். கணினியைப் போன்றே அவற்றிலும் System Tray பகுதி இருக்கிறது. இதை அவதானிப்பதால் தற்போது இயக்கத்திலிருக்கின்ற மென்பொருட்களை நிறுத்திவிடலாம். ஆனாலும் Settings > Applications > Running Services (அனைத்து Android சாதனங்களுக்கும் பொதுவானது) என்ற வழியில் சென்றால் தற்போது இயக்கத்திலிருக்கின்ற மென்பொருட்களை அது பட்டியலிடும். இதில் முக்கியமானது உங்கள் சாதனங்களுக்கான Anti Virus  Internet security போன்ற மென்பொருட்களும் அதில் இருக்கும். இதனால் அவற்றை நிறுத்தி விடாதீர்கள். தேவையற்ற ஏதேனும் மென்பொருட்கள் இயக்கத்தில் இருந்தால் மாத்திரம் இதை செய்யுங்கள். 

#2 Uninstall Unused Apps

பொதுவாக நம்மில் பலர் புதிதாக இவ்வாறான Android சாதனங்களை வாங்கியதும் ஆர்வக் கோளாறில் எக்கச்சக்கமான App, Games போன்றவற்றை Google Play யில் இருந்து தரவிறக்கி Smartphone/Tablet PC யின் Internal Storage இனை நிறைத்து வைத்திருப்போம். ஆனால் காலம் செல்ல சில App களை தொட மறந்து விடுவோம். அவை வெறுமனே Menuவில் இடத்தை பிடித்து கொண்டு இருக்கும். அதே போன்று நீங்கள் Smartphone வகைகளில் External memory chip இனையும் இணைத்திருப்பீர்கள். இவ்வாறான நிலைமைகளில்Internal storage முழுதாக நிரம்பிய பின் External Storage இனுள் எல்லாவற்றையும் கொட்டி கொண்டிருப்போம். உண்மையில் இது நல்லதல்ல. எப்போதும் உங்கள்  Android சாதனங்களின் Internal storage இன் கொள்ளளவில் கால் பகுதி வெறுமையாக இருக்கும் படி பார்த்துக் கொள்ளுங்கள். தவிர Unused Apps இனை நீக்க Settings > Applications > Managed Services இங்கு சென்று Downloaded Tab இல் தேவையற்றதை நீக்குங்கள்.

#3 Manage Widgets, Live Wallpapers and Animations

Android மூலமாக இயங்குகின்ற சாதனங்களைப் பொறுத்த வரையில் Widget மற்றும் Live wallpapers என்ற இரண்டும் முக்கியமானதும் பிரபலமானதும் கூட. இவை இரண்டினதும் ஒற்றுமை உங்கள் சாதனங்களின் வரவேற்பு பக்கத்தை அழகுபடுத்துவதுதான். மேலும் Widget பொறுத்தவரையில் காலநிலையை தெரிந்து கொள்ள, நேரம் பாரக்க, Alarm போன்றவற்றை ஒரே பகக்த்தில் இலகுவாக காண வழி செய்யும். ஆனால் இது அளவு கடந்தால் உங்கள் சாதனங்களின் CPU இதற்காக அதிகமாக இயங்குவதனால் அவற்றின் வேகம் குறைவடைவதுடன் Batteryஆயுளும் குறைந்துவிடும். அது போலத்தான் Live wallpaperகளும். இதனை அனைவருக்கும் புரியும் படியாக அறிமுகப்படுத்துவதென்றால் அசைவூட்டங்களுடன் கூடிய (Animation) நிலையான படிமம் (Image) போன்றது. இவையும் உங்கள் சாதனங்களின் வினைத்திறன் Battery ஆயுள் போன்றவற்றை குறைப்பதில் பாரிய செல்வாக்குடையது. ஆகவே முடிந்தவரை Live wallpaperகளை தவிர்ப்பது நலம். Settings > Display > Animations. இந்த வழியில் சென்று அவற்றை நீக்கலாம்.

#4 Boost your Battery

Android சாதனங்களைப் பொறுத்தவரையில் அவற்றின் செம்மையான இயக்கத்திற்கு அவற்றின் Batteryகள் மிக முக்கியமானவை. ஆகவே அவை சரியான முறையில் பராமரிக்கப்பட வேண்டும். Battery ஆயுள் குறைவாக இருப்பதுவே பலருக்கும் பெரும் தலையிடி. அதனை உங்கள் சாதனங்களில் சில மாற்றங்கள் செய்வதன் மூலமே சரி செய்துவிடலாம். உங்கள் சாதனங்களின் Screen Brightness Low நிலையிலேயே வைத்திருங்கள். மேலும் தேவையற்ற நேரங்களில் GPS, Wi-Fi, Bluetooth போன்றவற்றை அணைப்பது நல்லது. இது போன்ற Battery ஆயுளைக் குறைக்கின்ற ஏனைய தேவையற்ற விடயங்களை தவிர்த்து விடுங்கள்.

 

Image வடிவிலான ஆவணங்களிலுள்ள எழுத்துக்களை Text வடிவத்திற்க்கு மாற்றித்தரும் விஷேட இணையத்தளம்

 

இலங்கையிலிருந்து இணையத்தில் உலாவருகின்ற இனியது.கொம் என்ற பல்சுவை கதம்ப இணையத்தளத்தில் சென்ற மாதம் நான் எழுதிய வாசகர்களோடு பகிர்ந்து கொண்ட பதிவு இது. இதனை தவறவிட்ட எனது வலைப்பதிவின் வாசகர்களுக்காக இங்கே பகிர்கிறேன்....

கணினித்துறையை பொறுத்தவரையில் ஆவணப்பயன்பாடானது (Documentation) நாளுக்கு நாள் பதிய தொழில்நுட்பங்களி்ன வருகையால் மெருகேறிக் கொண்டே இருக்கிறது. அதிலும் கணினியோடு இணைந்து அதிகளவான ஆவணங்களைப் பயன்படுத்துபவர்களுக்கு பயன்படுகின்ற ஒரு விடயத்தை இந்தப்பதிவிலே உங்களோடு பகிர்ந்து கொள்கிறேன். பொதுவாக நாமனைவருமே எமது பல்வேறுபட்ட தேவைகளுக்காக எங்கள் தாள் வடிவிலான ஆவணங்களை Scan செய்தோ அல்லது வேறு வழிகளிலோ மின் வடிவத்திற்க்கு மாற்றுகின்றோம். இதன்போது அவை Image வடிவிலேயே கணினியில் சேமிக்கப்படுகின்றன. இதிலுள்ள பிரதான பிரச்சினை நீங்கள் அவற்றை மேலதிகமாக தொகுக்க (Edit) நினைக்கின்ற போது அது முடியாததாகி விடும். இதனால் எங்கள் கடிதங்களையோ அல்லது வேறு ஏதேனும் முக்கியமான கோப்புக்களையோ திருத்தமாக வடிவமைப்பது சிரமமாகும். இவ்வாறானவர்களுக்கு உதவுவதற்கென்று வடிவமைக்கபட்ட தளம்தான் i2OCR.

OCR எனப்படுகின்ற ஆவணப்பயன்பாட்டு சேவையை வழங்குகின்ற பல இணையத்தளங்களில் ஒன்றுதான் இந்த i2OCR என்பது. ஆனாலும் ஏனையவை போலல்லாது முற்றிலும் இலவசமாக தனது பயனர்களுக்கு ஆவண மாற்றீட்டு (Document convert) சேவையை வழங்குவதுடன் பதியப்படாத ஒரு பயனர் குறித்தளவான ஆவணங்களை மட்டுமே மாற்றீடு செய்ய முடியும் என்ற கட்டுப்பாடுகள் எதனையும் இத்தளம் விதிக்கவில்லை. அத்துடன் TIF, JPEG, BMP, PNG, PBM, GIF, PGM, PPM போன்ற அனைத்து வகையான Image formate வகைகளையும் இந்த இணையத்தளம் ஆதரிக்கிறது. உங்கள் பட வடிவிலுள்ள ஆவணங்களை தரவேற்றும் போது உங்கள் வன்தட்டிலிருந்து  (Harddisk) நேரடியாக தரவேற்றலாம் அல்லது ஏதாவது இணைய முகவரியிலிருந்தும் உங்கள் படங்களை உள்ளீடு (Import) செய்யலாம். அத்துடன் Image வடிவிலான கோப்புக்கள், Screen shots, Fax போன்ற உங்களின் அனைத்து வகையான ஆவணங்களையும் பயன்படுத்தலாம். இவ்வாறாக நீங்கள் மாற்றீடு செய்து பெறுகின்ற  எழுத்துக்களை (Text) 30க்கும் மேற்பட்ட பிரதான மொழிகளில் (English, French, Spanish, German, Italian, Russian, Portuguese, மற்றும் Chinese) மொழி மாற்றி பெற முடியும் என்பதும் கூடுதல் சிறப்பு.

உங்கள் ஆவணங்களையும் எழுத்து வடிவிற்க்கு மாற்றி கொள்ள i2OCR தளத்திறக்கு சென்று உங்கள் ஆவணத்தை தெரிவு செய்து பின் Upload கட்டளையை அழுத்துங்கள். இந்த சேவை மட்டுமன்றி i2type, i2Style, i2Image போன்ற பல வகையான மாற்றீடு வழிகளையும் தருகின்ற இந்த இணையத்தளம் இனிவரும் உங்கள் ஆவணப்பயன்பாடுகளை வினைத்திறனாக்கும் என்பதில் ஐயமில்லை.

இணைய முகவரி

இசைப்பிரியர்களுக்கான இலவச மென்பொருள் - Media Monkey (இம்மாத மென்பொருள்) + இலவச தரவிறக்கம்

மனிதகுலம் தோன்றியதிலிருந்து இன்று வரை எம்மிடமிருந்து பிரிக்க முடியாமலிருக்கின்ற விடயங்களில் இசை முதலிடத்தை பிடித்திருக்கின்றது என்று சொல்லலாம். அந்தளவுக்கு மொழி, இன, மத பேதமின்றி அனைவரையும் ஆட்கொண்டது இசை. அதிலும் தொழில்நுட்ப வளர்ச்சி இசைக்கு ஒரு மறுபிறப்பு என்று சொல்லுமளவுக்கு இசையினது வளர்ச்சியில் தொழில்நுட்பம் தனது ஆதிக்கத்தை செலுத்தியிருக்கிறது, செலுத்துகின்றது. அன்றிருந்த நிலையும் இன்றிருக்கின்ற நிலையும் இசையை பிரசவிக்கின்ற இசைக் கருவிகள் தொடங்கி அதனை அனுபவிக்கின்ற சாதனங்கள் வரை ஏற்பட்டிருக்கின்ற மாற்றம் நான் சொல்லி தெரிய வேண்டியதில்லை. எளிமையான உதாரணம் சொல்ல வேண்டுமென்றால் நூறு பேர் உட்கார்ந்து மீட்டுகின்ற இசைக்கு ஒரு கணினி பிரதியீடாகியிருக்கிறது, பாடல் கேட்க என்ற சாக்கில் எமது வீட்டின் பாரிய பரப்பை பிடித்திருந்த Gramophone காலம் கடந்து, உள்ளங்கைக்கும் ஓராயிரம் ஓசைகளை சுமக்க முடிகின்ற iPod கள் தோன்றியிருக்கின்றன. இதனால் எத்தனையோ பாடல்களை, இசைக் கோர்ப்புக்களை சுலபமாக சேமிக்க முடிவதுடன் காலம் கடந்து அவற்றை வாழ வைக்கவும் முடிகிறது. 

இசை மனிதனுக்கு பொதுவான ரசனையானாலும் ஒரு சிலருக்கு இசையின் மீது தனிக் காதலே ஏற்படும், தமிழ் சினிமாவின் அன்று தொட்டு இன்று வரையான அனைத்து பாடல்களையும் சேர்த்து வைத்திருப்பார்கள், விடாமல் வாய் ஏதாவது பாடலை முணுமுணுத்துக் கொண்டேயிருக்கும்  அதுமட்டுமல்லாது பாடல்கள் பற்றிய விபரங்கள் அதாவது இசையமைப்பாளர், பாடியவர், திரைப்படம், பாடல் வெளியான ஆண்டு என்று எல்லாமே அவர்கள் விரல் நுனியில் இருக்கும். அந்தளவுக்கு இசையின் தீவிர ரசிகர்களாக இருப்பர். பொதுவாக இப்படிப்பட்டவர்களின் கணினி வன்தட்டுக்கள், கைபேசிகள், ஏனைய பொழுது போக்கு சாதனங்களை இசைக் கோப்புக்களே (music files) பெரிதும் ஆக்கிரமித்திருக்கும். நீங்களும் இப்படியான ஒரு இசைப் பைத்தியம் என்றால் இந்தப் பதிவு உங்களுக்காகவே.. என்ன நீங்கள் அப்படியில்லையா?? உடனே வேறொரு பதிவை தேடுங்கள்...

வரம்பின்றி தரவுகளை சேமித்து வைக்க அதிலும் குறிப்பாக இசைக் கோப்புக்களை சேகரித்து வைக்க கணினியே சிறந்த சாதனமென்ற அடிப்படையிலும் அதுவே இலகு என்ற காரணத்தாலும் கையில்படுகின்ற எல்லா இசைக் கோப்புக்களையும் அடுக்கிவைத்திருப்போம். ஆனாலும் இது ஒரு எல்லையை தாண்டுகின்ற போது அவற்றை நிர்வகிப்பது சிரமமாவதுடன், பாடல்களை தேடியெடுப்பது பெரும் தலையிடியாகிவிடும். உங்களிடம் இருக்கின்ற பாடல்கள் உங்களுக்கே மறந்துவிடும். ஆகவே இப்படிப்பட்ட தொல்லைகளால் கஷ்டப்படுகிற உங்களுக்கு உதவுகின்ற இலவச மென்பொருள்தான் Media Monkey.

முதலில் கீழுள்ள இணைப்பில் இருந்து தரவிறக்கி நிறுவிக் கொள்ளுங்கள். பின்னர் இதனை திறந்து கொள்ளுங்கள் முதல் படிமுறையாக உங்கள் Music Database இனை இதற்க்குள் உட்செலுத்த (Import) ​வேண்டும். அதாவது உங்கள் இசைக் கோப்புகளுக்கான பிரதான் Folderஇனை தெரிவு செய்து Import செய்யுங்கள். பின் Music என்ற பகுதியில் உங்கள் பாடல்கள் Album, Artist, Title என்ற வகைகளில் காட்சிப்படுத்தப்படும். 

# இதிலிருந்தே பாடலை தெளிவான தரத்தில் கேட்க முடியும். அத்தோடு மேம்படுத்தப்பட்ட Equalizer காணப்படுகிறது.

# பாடலின் Properties இலகுவாக மாற்ற முடியும்.

# Playback இன் போது Cross fade வசதி.

# Audio CDகளை இதிலிருந்தே RIP செய்து Libraryயில் Add செய்யலாம்.

# Playlist இனை தானாகவே உருவாக்கின்ற வசதி.

# DJ Mode போன்ற இசைப்பிரியர்களுக்கு பயன் தருகின்ற பல வசதிகள்.

Media Monkey மென்பொருள் Ventis Media நிறுவனத்தினால் வினியோகிக்கப்படுவதுடன் இது Gold version மற்றும் Free version என்ற இரண்டு வகையான பதிப்புகளில் காணப்படுகிறது. இரண்டு பதிப்புக்களுக்கும் இடையே பாரிய வேறுபாடுகளில்லை. சாதாரணமாக Free version மட்டுமே சாதாரண 

பயன்பாட்டுக்கு போதுமானது. அதற்கான இணைப்பை தந்திருக்கின்றேன். மற்றைய பதிப்பு பணம் செலுத்தி பெற வேண்டியது என்பதுடன் இணையத்தில் Crack உடன் இலவசமாக தரவிறக்கலாம். தேவையானவர்கள் தேடிப் பெற்றுக் கொள்ளுங்கள். அனுபவங்களை பி்ன்னூட்டங்களாக பகிருங்கள்...  

தரவிறக்க சுட்டி

விண்டோஸ் 8 உங்களுக்காக தருகின்ற விஷேட வசதிகள் - ஒரு அலசல் (பகுதி 01) + இலவச தரவிறக்கம்

மற்றுமொரு பதிவினூடாக எனது வலைப்பதிவின் வாசகர்களை சந்திப்பதில் மகிழ்ச்சி.. சில தவிர்க்க முடியாத காரணங்களாலும் வேலைப்பளுவினாலும் முன் போல சுவையாகவும் சூடாகவும் பதிவு போட முடியாவிட்டாலும் கடந்த மாதங்களில் இலங்கையில் இருந்து வெளியாகின்ற 'இனியது' இணைய சஞ்சிகையில் சில தொழில்நுட்ப பதிவுகளை கிறுக்க முடிந்தது மகிழ்ச்சி, ஆனாலும் என் வலைப்பதிவின் தனிப்பட்ட வாசகர்களை அவை சென்றடைகிறதா அல்லது அவற்றை நமது வாகர்களுடன் பகிர முடிவதில்லை என்ற ஏக்கமும் இருந்தது. அதனால் பொருத்தமான நான் முன் எழுதிய பதிவுகளை இப்பொது உங்களோடு பகிர்ந்து கொள்கிறேன். 

தொழில்நுட்ப உலகில் அண்மையில் அடித்து சற்று ஓய்ந்திருக்கின்ற புயல்  (இது புயல் சீசனாச்சே..) Windows 8 என்பததுதான். அதனால் Windows 8 இற்கு மாறுவதற்காக பலரும் காதத்திருக்கின்ற நிலையிலும் அது பற்றி அறிய வேண்டிய ஆவல் ஒருபுறம் மற்றும் அதற்காக எமது கணினிகள் தயார் நிலையில் இருக்கின்றனவா என்ற கேள்வி மறுபுறமுமாக இருக்கின்ற தொழில்நுட்ப ஆர்வலர்களுக்காக இந்த பதிவு. இது சென்ற மாதம் வெளியிடப்பட்ட Windows 8 இன் Consumer Preview இனை வைத்து நான் எழுதிய பதிவு. இதனால் வசன அமைப்புக்கள் சற்று வேறுபட்டிருக்கும் அவவ்ளவுதான். அனுபவங்களை பின்னூட்டங்களாக பகிருங்கள்...

மனிதனின் பல்வேறு வகைப்பட்ட தேவைகளுக்கும் ஏற்றால் போல அன்று முதல் இன்று வரை முடிவின்றி வளர்ந்து கொண்டிருக்கும் தகவல் தொடர்பாடல் மற்றும் தொழில்நுட்பம் என்ற இந்த விடயங்களின் வளர்ச்சிப் பாதையிலும் முக்கிய மைற்கல்லாக அமைந்திருப்பது கணினிதான். சார்ள்ஸ் பபேஜ் உலகிற்கு தந்த உயர்தரமான (Advance) கணித்தல் பொறியின் அத்திவாரத்தோடு அலன் டூரிங் (Alen Dooring), ப்ளாசி பஸ்கால் (Blaise Pascal)  எனும் இரு மாமனிதர்களின் புத்தாக்க சிந்தனைகளுமே இன்று நாம் காண்கின்ற கணினிக்கு உடல் தந்தது. ஆனால் மற்றைய சாதனங்கள் போல வெறும் வன்பொருள் (Hardware) மட்டுமே இருந்து ஒரு கணினியை இயக்குவதில்லை. கணினிப் பாகங்களின் உயிர்நாடியாக அமைகின்ற மென்பொருட்களே (Software) அவற்றின் ஒவ்வொரு செயலையும் நிர்ணயிக்கின்றன. அதற்க்கமைவாக பேணூயின் எண்களை அக்காலத்தில் உருவாக்கப்பட்ட கணித்தல் பொறியினால் கணிப்பது தொடர்பான விளக்கங்களை ஆவணமாக (Document) வெளியிட்டதன் மூலம் கணினி மென்பொருளின் வளர்ச்சி பாதைக்கு அடித்தளமிட்ட முதல் கணினி செய்நிரலாளரான (Computer programmer) Ada Lovelace என்ற பெண்ணின் முயற்ச்சியும் சேர்ந்து இன்று கணினியின் வளர்ச்சியை இந்தளவுக்கு உயர்த்தியிருக்கின்றன.

மனித கண்டுபிடிப்புகளினால் கணினியின் வன்பொருள் முறைமைகள் விரைவாக வளர்ச்சியடைந்தாலும் மறுபுறம் அதனை மிஞ்சிய வேகத்தில் அதனை இயக்குகின்ற இயங்கு முறைமைகளும் (Operating System) வளர்ந்து கொண்டிருப்பது நாமறிந்ததே. என்னதான் இன்றளவில் இயங்குமுறைமைகளை (Operating System) ஒவ்வொரு நிறுவனங்களும் ஒவ்வொரு வடிவில் அறிமுகப்படுத்தினாலும் ஆதி முதல் இன்று வரை கணினியின் இயங்குமுறைமைகள் (Operating System) தொடர்பில் பல கோடிக்கணக்கான கணினிகளையும் தனக்கென தனியிடத்தையும் ஆக்கிரமித்திருப்பதென்னவோ Microsoft நிறுவனம்தான். காரணம் அனைத்து தரப்பு மக்களாலும் இலகுவாகவும் குறைந்த விலையிலும் (சில சமயங்களில் இலவசமாகவும்) எந்தவித சிக்கலுமின்றி பயன்படுத்தக்கூடியதாக அமைந்திருப்பதுதான்.

ஒவ்வொரு பதிப்பிலும் (Version) ஒவ்வொரு விதமான புதுமைகளையும், வசதிகளையும் தந்து அனைவரினது வரவேற்ப்பை பெற்றிருக்கும் இந் நிறுவனம் தனது பயனர்களுக்காக அண்மையில் தனது விண்டோஸ் வகை இயங்கு முறைமையின் மற்றுமொரு பதிப்பான Windows 8 இனது Consumer Preview ஐ வெளியிட்டதை பலர் அறிந்திருப்பீர்கள். இதற்க்கு முந்தைய பதிப்பான Windows 7 பெற்ற வெற்றியும் அதனை தொடர்நது சில மாத காலங்களிலேயே பல கவர்ச்சிகரமான முன்னறிவித்தல்களுடனும் ஆரம்பித்திருந்த இதன் தயாரிப்பு பணிகளும் கணினி ஆர்வலர்கள் மத்தியில் பெரும் எதிர்பார்ப்பை ஏற்ப்படுத்தியிருந்ததும் குறிப்பிடத்தக்கது. சொன்னது போலவே சென்ற மாதம் Windows 8 தொகுப்பின் முன்னோட்ட பதிப்பை வெளியிட்டிருந்தது Microsoft. இன்றுவரை உங்களில் பலரும் இதனை பயன்படுத்தியிருப்பீர்கள். பலர் இது பற்றி அறிய ஆவலாயிருப்பீர்கள். Microsoft இதற்கு முன் வெளியிட்ட பதிப்புக்களை விட இந்த Windows8 என்னென்ன வகையில் சிறப்பு பெறுகிறது, இது உங்களுக்கு மேலதிகமாக தருகின்ற வசதிகள், நடைமுறையில் இதனுடைய இயக்கம் (Working) போன்ற பல விடயங்களையும் Microsoft வெளியிட்ட தகவல்களின் படியும் உலகெங்குமுள்ள பயனர்கள் (Users) பயன்படுத்திப்பார்த்து தெரிவித்த கருத்துக்களினடிப்படையிலும் அனைத்தையும் தொகுத்து  ஒரு தொகுப்பாக தருகிறேன். Windows8 Consumer Preview இனை பயன்படுத்தி பார்க்க வேண்டும் என்று நினைப்பவர்கள் நான் தந்திருக்கின்ற இணைப்பில் அதனை இலவசமாகவே தரவிறக்கி குறுந்தட்டில் (CD) பதிந்து பயன்படுத்தலாம்.

# அசுர வேகத்தில் Boot ஆகிறது...

Microsoft இதுவரை தனது வாடிக்கையாளர்களுக்காக தந்த இயங்கு முறைமைகளிலேயே மிகவும் வேகமான தொடக்கத்தை (Start Up) கொண்டது இதுதான். உங்கள் கணினியில் எத்தனை பெரிய கொள்ளளவுள்ள (Capacity) மென்பொருட்கள் இருந்தாலும் நீங்கள் கணினியை On செய்ததிலிருந்து வெறும் 8 செக்கன்களில் உங்களின் முகப்புதிரையை (Desktop) அடையலாம். இந்த வேகமானது கூகிள் (Google) வெளியிட்ட அதனுடைய Chrome இயங்கு முறைமையை (அண்மையில் Samsung Notepad கணினிகளுக்கான Chrome எனும் இயங்கு முறைமையை கூகிள் வெளியிட்டது.) விட வேகமானது என்பதை Microsoft நிறுவனம் ஒப்பிட்டு காட்டுகின்றது. இந்த காணொளியை காணுங்கள் 

# புதுமையான பயனர் இடைமுகம் (Interface)

இந்தப் பகுதியே Windows இன் ஏனைய பதிப்புக்களில் இருந்து Windows8 இனை தனித்துவப்படுத்துகிறது. காரணம் வழமையான Desktop இலிருந்து மாறுபட்டு Metro Interface UI எனும் வகையிலமைந்த இடைமுகத்தை வழங்குகிறது. இதன் மூலம் உங்கள் கணினின் நிலைமைகள் மட்டுமன்றி இணைய இணைப்பு இருந்தால் உலகில் இடம்பெற்ற முக்கிய செய்திகளை ஒரு இடத்தில் இருந்தே அறிய முடியும். இது முழுவதும் தொடுதிரை (Touch screen) கணினிகளுக்காகவே வடிவமைக்கப்ட்டிருப்பதுடன் நமது சாதாரண Mouse, Keyboard மூலமும் இதனை இயக்கலாம் என்பது சிறப்பு, இதனால் இவை ஒரு Smart phone இல் வேலைசெய்வது போன்ற உணர்வையும் தருகின்றன. ஆனால் உங்களுக்கு இந்த Metro Style பிடிக்கவில்லையென்றால் ஒரு கிளிக்கில் பழைய Desktop தோற்றத்துக்கே போய்விடலாம். 

# பாவனைக்கு இலகுவான அப்ளிகேஷன்ஸ்

Smart phone களிலுள்ளது போன்று உங்கள் தேவைக்கேற்றால் போல மேலதிக Application களை நிறுவும் வாய்ப்பு உள்ளதுடன் அதனை Metro Interface இலுள்ள Store என்ற பகுதியில் இருந்து தரவிறக்கலாம்.

# Transparent overlay in the right side

உங்கள் கணினி திரையில் வலது புற த்தில் உங்கள் Mouse Cursor ஐ அசைக்கும் போது ஒரு சிறிய திரை தோன்றும். இது Transparent overlay என அழைக்கப்படுவதுடன் உங்களுக்கு உதவக்கூடிய 5 விடயங்களை அதில் காணலாம். Search, Share, Start, Devices மற்றும் Settings. கணினியின் எந்தவொரு இடத்திலிருந்தும் எல்லா வேலைகளையும் செய்யக்கூடிய இடைமுகமாக இது அமைந்திருக்கிறது.  

# எங்கிருந்தும் இலகுவாக மென்பொருள்களை நீக்கலாம்

புதிதாக வடிவமைக்கப்பட்டிருக்கும் Metro Style தோற்றம் மூலம் உங்கள் மென்பொருட்களை Uninstall செய்வது இலகுவாக்கப்பட்டிருக்கிறது. காரணம் முன்னர் மென்பொருட்களை நீங்கள் Control Panel சென்று அங்குள்ள Add/Remove Programe கட்டளை மூலமே நீக்க முடியும். ஆனால் இப்போது இலகுவாக Metro Interface இலுள்ள Icon மீது வலது கிளிக் (Right Click) செய்ய கீழே தோன்றுகின்ற உதவி Menuவில் Uninstall என்பதை கிளிக் செய்ய சில வினாடிகளில் உங்கள் மென்பொருள் நீக்கப்படும்.   

# மேம்படுத்தப்பட்ட தரவுப் பிரதியாக்கம் (Copying)

ஏனைய பதிப்புக்களை விட இதில் File Copying இலகுபடுத்தப்பட்டுள்ளது. உங்கள் File copy ஆவதற்க்கு எடுக்கும் நேரம், அதனது வேகம் போன்றவற்றோடு CPU Progress உம் காட்டப்படும். அத்தோடு தேவைப்பட்டால் File copying ஐ தற்காலிகமாக நிறுத்தி (Pause) வைக்கும் வசதியும் சேர்க்கப்பட்டிருக்கிறது.

தொடரும்...

பகுதி 02

விண்டோஸ் 8 உங்களுக்காக தருகின்ற விஷேட வசதிகள் - ஒரு அலசல் (பகுதி 02) + இலவச தரவிறக்கம்

சென்ற பதிவின் தொடர்ச்சி.......

# New improved Task manager

பொதுவாக Windows வகை இயங்குமுறைமைகளை பயன்படுத்துபவர்களுக்கு Task manager என்ற பகுதியை தெரிந்திருக்கும். கணினியின் அனைத்துவிதமான செயல்பாடுகளையும் மென்பொருள் ரீதியாக கட்டுப்படுத்தக்கூடிய பகுதியாகும். இலகுவாக கணினியின் அனைத்து செய்முறைகளையும் (Process) கட்டுப்படுத்தும் வசதி காணப்படுவதுடன் Ctrl+Alt+Del விசைகளை அழுத்துவதன மூலம் இதனை பெற முடியும். 

# குறைந்தளவான RAM பயன்பாடு

ஒப்பீட்டளவில் ஏனைய விண்டோஸ் இயங்கு முறைமைகளை விட குறைந்தளவான அளவினை இது பயன்படுத்துவதால் கணினி வேகமாக இயங்க வழிவகுக்கிறது.

இவை தவிர இன்னும் ஏராளமான நன்மைகளோடு முன்னோட்ட (Consumer Preview) பதிப்பாக வெளிவந்திருக்கும் Windows8 தனது வாக்குறுதிகளை பெரும்பாலும் காப்பாற்றியிருக்கிறது. இதனடிப்படையில் நாங்களும் எந்தவித பயமுமின்றி Windows8 க்கு மாறலாம். எதிர்வரும் ஒக்டோபர் மாதம் 26ம் திகதியளவில் இதனுடைய முழுமையான பதிப்பை எதிர்பார்க்கலாம் என Microsoft அறிவித்திருக்கிறது. நான் தந்திருக்கும் இணைப்பில் பதிவிறக்கி பயன்படுத்தி பாருங்கள். உங்கள் கருத்துக்களையும் பகிர்ந்து கொள்ளங்கள்.

Windows 8 Pro இயங்கு தளத்தை முழுமையாக இங்கே இலவசமாக தரவிறக்கலாம்..! 

#Windows 8 -x86              #Windows 8 -x64

- Part 01                                                    Part 01

  Part 02                                                    Part 02

<<<< அல்லது >>>>>             <<<< அல்லது >>>>>

 Part 01                                                     Part 01

 Part 02                                                     Part 02

-ஷான்

MKV வகை கோப்புக்களை DVD வடிவத்திற்க்கு மாற்றித்தரும் இரண்டு இலவச மென்பொருள்கள்

இன்றைய காலங்களில் பொழுது போக்கு துறையில் கணினி ஆற்றுகின்ற பங்களிப்பு மிகவும் புதுமையானது. விளையாட்டுக்கள் (Games), பாடல்கள் (Audio), இவற்றோடு கணினியில் திரைப்படங்களை பார்த்தலும் பகிர்ந்து கொள்ளுதலும் முக்கிய இடத்தை வகிக்கின்றன. அதிலும் இன்றளவில் திரைப்படத்துறையை பொறுத்தவரையில் அதி உயர்திறன் வாய்ந்த பட அமைப்புக்கள் (High Definition) மற்றும் துல்லியமான ஒலி அமைப்புக்கள் (Dolby Surround sound) போன்ற தொழில்நுட்பங்கள் மூலம் உயர்தரமான அனுபவத்தை பெற முடிவதுடன் ஒரு சிறந்த பொழுது போக்காகவும் திகழ்கிறது. ஆரம்பத்தில் சாதாரண Video Disk ஆக வெளிவந்த திரைப்படங்கள் பின்னாளில் எண்முறைமைப்படுத்தப்பட்ட Digital Versatile Disk (DVD) வடிவில் வெளியானது. ஆனால் இன்று இது எல்லாவற்றையும் கடந்து நான் முன்சொன்ன அபரிமிதமான தொழில்நுட்ப வசதிகள் உட்பொதியப்பட்டவையாக Blu-ray தட்டுக்களில் வெளிவருகின்றன. இது இவ்வாறிருக்க கணினியில் இவ்வாறான அதிஉயர் தொழில்நுட்பம் வாய்ந்த திரைப்படங்களை அதே தரத்தில் இணையமூடாகவோ அல்லது சாதாரணமாகவோ பரிமாறிக் கொள்வதற்கென அமைந்திருக்கின்ற ஒரு கோப்பு வடிவம்தான் MKV. 

பொதுவாக கணினியில் அல்லது இணையத்திலிருந்து இந்த Blu-ray வடிவ திரைப்படங்களை தரவிறக்கம் அல்லது பகிரும் (Sharing) போது இந்த Format  பயன்படுத்தப்படும், வழமையாக கணினிகளில் இவ்வாறான படங்களை பார்ப்பவர்களுக்கு இது தெரிந்திருக்கும். அதே போல அந்தவகை கோப்புக்களை (Files) திறந்து வாசிக்க (Read) விஷேட வகை மென்பொருட்கள் தேவைப்படும். ஆனால் நம்மில் பலர் இவ்வாறான திரைப்படங்களை இணையத்திலிருந்து அல்லது நண்பர்களிடமிருந்து பெற்று பயன்படுத்தும் போது அதனை கணினியில் மட்டுமே பார்க்க முடிவதுடன் அதை ஒரு DVD அல்லது VCD ஒன்றில் பதிந்து CD Player களில் பார்வையிட முடியாது. அதையும் தாண்டி அவ்வாறான MKV கோப்புக்களின் வடிவத்தை MPEG க்கு மாற்றி குறுந்தட்டுக்களில் (CD) பதிந்து Player களில் பயன்படுத்தினாலும் அந்த கோப்பின் தரம் குறைவடைந்து மங்கலான நிலையிலேயே அது தென்படும். இதே பிரச்சினை உங்களுக்கும் இருந்தால் உங்களுக்கு உதவுவதற்கென்றே இரண்டு இலவச மென்பொருட்கள் இருக்கின்றன. இதன் மூலம் நீங்கள் உங்கள் MKV கோப்புக்களை அதே தரத்தில் குறுந்தட்டில் பதிந்து தொலைக்காட்சியிலும் காணலாம்.  

#1 DVD Flick

இந்த மென்பொருளானது முற்றிலும் இலவசமானதும் ஒரு திறந்த வள (Open Source) மென்பொருளாகும். இது ஏனைய பணம் செலுத்தி பெறுகின்ற மென்பொருள்களை விட சாதாரணமாக வடிவமைக்கப்பட்டிருந்தாலும் மிகவும் வினைத்திறனாக தொழிற்படக்கூடியது. உங்கள் கணினியில் MKV கோப்புக்கள் இருந்தால் அவற்றை இதில் முதலில் Import செய்ய வேண்டும்.

பின்னர் உங்கள் தேவைக்கேற்ப உங்கள் DVD எவ்வாறு அமைய வேண்டும் என்பதை வடிவமைத்து பின்னர் அதை DVDயில் பதிந்து பெற்றுக் கொள்ளலாம். வெறும் MKV கோப்புக்கள் மட்டுமல்லாமல் பின்வருமாறும் கோப்புக்களை மாற்றம் செய்யலாம். AVI to DVD, FLV to DVD, HDMOV to DVD, MKV to DVD, MJPG to DVD, MPG to DVD, M2V to DVD, MP4 to DVD, M4V to DVD, NSV to DVD, NUT to DVD, QT to DVD, MOV to DVD, RM to DVD, SMK to DVD, OGM to DVD, WMV to DVD, ASF to DVD, 3GP to DVD, 3G2 to DVD. அதுமட்டுமல்லாது DVD Flick மென்பொருளானது உங்கள் கோப்புக்களை ISO Image File வடிவிற்கும் மாற்றி தருகிறது. 

இவை தவிர இந்த மென்பொருள் தருகின்ற மேலதிக நன்மைகள்

* எந்தவொரு வகை கோப்பையும் DVD வடிவிற்கு மாற்றும் வசதி

* 45க்கும் மேற்பட்ட வீடியோ Codec களை ஆதரிக்கிறது

* 60க்கும் மேற்பட்ட Audio codec பயன்பாடு

* உங்கள் DVDயின் Menu தோற்றத்தை இதிலிருந்தே Design செய்யலாம்.

* முழுவதும் இலவசமாக கிடைப்பதுடன் Adware, Spyware தொல்லைகள்  இல்லை

தரவிறக்க சுட்டி

#2 E.M.Free MKV Video2Dvd V3.10

இதுவும் MKV வகையிலமைந்த கோப்புக்களை DVD வடிவத்திற்கு மாற்றித்தரும் ஒரு இலவச (Freeware) மென்பொருள்தான். இதிலுள்ள விஷேட அம்சம் Drag and Drop முறை மூலம் உங்களின் வேலைகளை செய்து கொள்ள முடிவதாகும். இலகுவாக உங்கள் Output இனது அமைப்புக்களை (Settings) மாற்றியமைக்ககூடியதாக அமைந்துள்ளது.

விஷேடமாக இதிலுள்ள Easy Mode மூலமாக நீங்கள் வேறு அதிகமான எந்தவொரு மாறற்ங்களையும் தேர்வு செய்யாமல் வெறும் ஒரு கிளிக் இல் உங்கள் கோப்பை மாற்றலாம். அம் மென்பொருள் தானாகவே உங்கள் கோப்புக்கு (File) ஏற்ப ஏனைய விடயங்களை மாற்றியமைத்து கொள்ளும். பாவனைக்கு இலகுவான பயனர் இடைமுகத்தை (User Interface) கொண்ட இந்த மென்பொருள்

மேலதிகமாக உங்களுக்கு தரும் வசதிகள்

* HD-DV, Blu-ray TS, TP, M2TS, AVCHD, WMV-HD போன்ற உயர்தரமான காணொளி (Video) வகை கோப்புக்களை கூட இலகுவாகவும் விரைவாகவும் DVDயாக மாற்றிவிடும்.

* .srt .sub .ssa .ass .smi .psb .tex .idx போன்ற உபதலைப்புக்களுக்கான (Subtitles) கோப்புக்களையும் ஆதரிக்க கூடியது.

* YouTube போன்ற இணையத்தளங்களிலிருந்து நீங்கள் தரவிறக்கம் (Downlaod) செய்யும் File களைக்கூட இது மாற்றீடு (Convert) செய்யக் கூடியது.

தரவிறக்க சுட்டி 

நான் இங்கே குறிப்பிட்டது தவிர்ந்த இன்னும் பல நன்மைகளை இந்த இரண்டு இலவச மென்பொருள்களும் தருகின்றன. ஆனாலும் முக்கிய வசதிகளை தந்திருக்கிறேன். உங்களுக்கு பொருத்தமான மென்பொருளை நான் தந்திருக்கின்ற இணைப்பில் இருந்து தரவிறக்கி பயன்படுத்துங்கள். வழமைபோல தரவிறக்கின்ற திரைப்படங்களை இனி தொலைக்காட்சி, ஏனைய சாதனங்களிலும் காணலாம். அனுபவங்களை கருத்துக்களாக பகிர்ந்து கொள்ளுங்கள்.

-ஷான்

பேஸ்புக்கினை (Facebook) உங்கள் விருப்பம் போல வடிவமைக்கலாம்..!

தொழில்நுட்பமானது ஆரம்பம் முதல் இன்று வரை பல்வேறு வளர்ச்சிக் கட்டங்களை அடைந்திருக்கிறது. இதனுடைய வளர்ச்சிக்காலம் ஆய்வாளர்களால் தலைமுறைகளாக வகுக்கப்படுவதுடன் இன்றளவில் தொழில்நுட்ப வளர்ச்சியின் ஐந்தாவது கட்டத்தில் (5th Generation) காலடியெடுத்து வைத்திருக்கிறோம் என்று கூறலாம். ஆனாலும் தொடர்பாடல் மற்றும் செய்திகளை பரிமாறுவது போன்ற செயற்பாடுகள் மனித தோற்றம் முதலே ஆரம்பமானவை. இந்த தொழில்நுட்ப வசதிகளின் வருகைக்கு  பின்னால், நான் முற்சொன்னது போல தலைமுறைக்கு தலைமுறை செய்திப்பரிமாற்றமும் தொடர்பாடலும் தொழில்நுட்பத்துடன் ஒன்றி பல்வேறு பரிணாமங்களை அடைந்திருக்கிறது. அதிலும் மின்னஞ்சல் என்பது தொழில்நுட்பம் தொடர்பாடல் செயன்முறைகளுக்கு தந்த அடிப்படை வசதி என்று சொல்லலாம். அதனோடு நின்று விடாது Online chatting, Video call, Voice call என்று வளர்ந்து இன்று இந்த இடத்தை சமூக வலைத்தளங்கள் ஆக்கிரமித்திருப்பதை காணலாம். 

பாரியளவான கோப்புக்களை (Files) சிறிதாக சுருக்கித்தரும் அதிசய மென்பொருள்

கணினி அல்லது தகவல் தொழில்நுட்பத்தை பொறுத்தவரையில் தரவு மற்றும் கோப்புக்களின் (Files) பயன்பாடு என்பது மிக அவசியமானதொன்றாகும். எமது தேவைகளை பொறுத்து நாம் பயன்படுத்துகின்ற கோப்புக்களின் வடிவங்களும் (Formats), கொள்ளளவுகளும் (Capacity) மாறுபடுகின்றன. அதே நேரம் இவ்வாறான தரவுகளையும் கோப்புக்களையும் சேமிக்க வேண்டிய தேவையும் மறுபுறம் உருவாகிவிடுகிறது. இதற்கென இன்றளவில் பல தரப்பட்ட சாதனங்களும் கருவிகளும் நம்மிடையே உலா வருகின்றன. சாதாரண கணினி வன்தட்டுக்கள் (Hard disk) தொடங்கி நாம் காவிச்செல்கின்ற Pen drive வரையிலும் அனைத்துமே தரவு மற்றும் கோப்புக்களின் சேமித்தல் செயற்பாட்டை இலகுபடுத்துகின்ற சாதனங்களே. ஆனாலும் தரவு சேமிப்பு மற்றும் பகிர்ந்து கொள்ளலில் எந்தவொரு சாதனமென்றாலும் அல்லது இணையவழி முறைமைகளென்றாலும் கோப்புகளின் கொள்ளளவில் குறித்தவொரு கட்டுப்பாடு நிச்சயமாக காணப்படுகிறது. முடிவிலி (Infinitive) அளவிலான கோப்புக்களையும் தரவுகளையும் சேமிக்க கூடிய சாதனங்களோ அல்லது இணையவழி சேவைகளோ எனக்கு தெரிந்து இதுவரை அறிமுகமாகவில்லை.

இவ்வாறான சந்தர்ப்பங்களில் பாரியளவிலான கொள்ளளவு கொண்ட கோப்புக்களை அந்த கோப்பை விடவும் கொள்ளளவு குறைந்த யதாயினுமொரு உபகரணம் முலமாகவோ அல்லது இணையமூடாகவோ பரிமாறிக்கொள்ள அல்லது சேமித்துக் கொள்ள அறிமுகப்படுத்தப்பட்டதே Compressing அல்லது File Zipping எனும் தொழில்நுட்பம் என எளிமையாக கூறலாம். இது சாதாரணமாக கணினி தொழில்நுட்பங்களோடு பழக்கப்பட்டவர்கள் அறிந்திருக்கின்ற விடயம். பொதுவாக விண்டோஸ் வகை இயங்குமுறைமைகளில் (Operating System) Compress என்ற வசதி இணைக்கப்பட்டே இருக்கும். அதாவது ஒரே நேரத்தில் பல கோப்புக்களை அனுப்புகின்ற தேவை வருகின்ற போது இதனை பயன்படுத்தலாம். ஆனாலும் கணினி பயனர்களிடையே தரவுச் சுருக்கத்திற்கென (Data encryption) பெயர்போன மென்பொருள் Win RAR என்பதுதான். ஆனால் நாம் நினைக்கின்ற அளவுக்கு அது பாரியளவிலான Encryption எதனையும் செய்வதில்லை. ஆனாலும் சில விஷேடித்த மென்பொருள்கள் மூலம் கோப்புக்களின் கட்டமைப்புக்களில் (File structure) மாற்றங்கள் ஏற்படுத்துவதன் மூலம் 10GB அளவான ஒரு கோப்பினை 10MB வரையிலும் சுருக்க முடியும். இதனை சாத்தியமாக்குகின்ற ஒரு இலவச மென்பொருள் பற்றி இந்தப் பதிவிலே பகிர்ந்து கொள்கிறேன்.

KGB Achiever எனப்படுவது முற்றிலும் இலசவமாக பெற்று பயன்படுத்தக்கூடிய Open source வகை மென்பொருள். இதனுடைய தரவுச் சுருக்க செயற்பாடுகளானது PAQ6 என்ற முறைமையை கொண்டு இயங்குவதுடன் இது AES-256 என்ற சக்திவாய்நத தரவுச் சுருக்க முறையை கையாள்கிறது. அதாவது உங்களின் தரவுகளை துவித எண் தொகுதிளாக (Binary) கூட்டமாக்கி சேமிக்கின்ற முறையை பயன்படுத்துகின்றது. இது Windows மற்றும் Linux வகை இயங்கு தளங்களில் வேலை செய்யக்கூடியவாறு வடிவமைக்கப்பட்டிருக்கிறது. இந்த மென்பொருள் மூலம் உங்கள் கோப்புக்களை சுருக்கின்ற போது மென்பொருளின் தொழிற்படு வேகம் அதிகமாக அமைவதுடன் இந்த மென்பொருள் கோப்புக்களின் வடிவங்கள் (Formats) தொடர்பில் உங்களுக்கு எந்தவித கட்டுப்பாடுகளையும் விதிக்கவில்லை.

அதாவது நீங்கள் எந்தவிதமான கோப்புக்களையும் இதன் மூலம் சுருக்கலாம். ஆனால் இதில் உள்ள சிக்கல் என்னவென்றால் தரவுச் சுருக்கத்திற்கென்று (Data encryption)  பயன்படுத்தப்படும் பொதுவான Format இனை இம்மென்பொருள் பாவிப்பதில்லை, இதனால் நீங்கள் இந்த மென்பொருள் கொண்டு சுருக்கப்படுகின்ற கோப்புக்களை பழைய நிலைக்கு கொண்டுவர கட்டாயம் KGB Achiever மென்பொருள் தேவை. அதே போன்று இந்த மென்பொருளில் கோப்புக்களை சுருக்க பல வழிமுறைகள் காணப்படுகின்றன. High, maximum, normal, low, very weak போன்ற முறைகளில் அவை காணப்படுவதுடன் உங்கள் கணினியின் இயலுமை மற்றும் கோப்பின் வகை என்பவற்றை பொறுத்து இதில் ஒன்றை தெரிவு செய்ய வேண்டும். இந்த செயற்பாட்டிற்க்கு எடுக்கும் நேரம் இந்த முறைமைகளின் அடிப்படையிலேயே தீர்மானிக்கப்படும்.

முக்கியமாக நீங்கள் இந்த மென்பொருள் மூலம் கோப்புக்களை சுருக்கி இணையமூடாக பகிர்ந்து கொள்ளலாம். ஆனால் அதை பெற்று பயன்படுத்துகின்றவரிடம் KGB Achiever இருந்தால்தான் அதனை பழைய நிலைக்கு கொண்டுவரலாம் என்பதை கவனத்தில் கொள்ளுங்கள். சாதரணமா இதனை நிறுவ 256 MB RAM ற்றும் 1.5 GHz Processor என்பன ஆகக்குறைந்த வன்பொருள் தகவுநிலைகளாகும். 

இவை தவிர இந்த மென்பொருளின் மேலதிக வசதிகள்.

* .kgb மற்றும் .zip வகை கோப்புக்களை ஆதரிக்ககூடியது.

* Self-Extracting கோப்புக்களை உருவாகக்லாம்.

* Unicode எழுத்துருக்களை ஆதரிப்பதால் தமிழ் மொழியிலான File name உடைய கோப்புக்களை கூட   கையாளளலாம்.

* கடவுச்சொல் மூலம் சுருக்கப்படுகின்ற கோப்புக்களை பாதுகாக்கலாம்.

இவ்வாறு முற்றிலும் இலவசமாக இத்தனை வசதிகளையும் தருகின்ற இந்த இலவச மென்பொருளை நீங்களும் பயன்படுத்திப்பாருங்கள். இனிவரும் உங்கள் கோப்பு பயன்பாட்டையும் இலகுவாக்கி கொள்ளுங்கள். உங்கள் நண்பர்களுக்கும் பரிந்துரையுங்கள். கருத்துக்களை பகிர்ந்து கொள்ளுங்கள்.

தரவிறக்க சுட்டி