"bitport.to" - Torrent கோப்புகளை தரவிறக்க புதிய வழி..

இன்றையகால இணையப்பாவனையை பொறுத்தவரை தரவிறக்கம் என்பது மிகவும் அதீத அளவில் இடம்பெற்று வருவது கண்கூடு. மலிந்துவிட்ட இணையசேவை வழங்குனர்களும், இலகுவில்பெற்றுக்கொள்ளக்கூடிய அதிவேக இணைய இணைப்புக்களும் இதனை சாத்தியமாக்குகின்றன. இந்த இணைய தரவிறக்கமானது Direct download, Cloud-based download என்று பலவகைப்பட்டிருந்தாலும் peer to peer வகையை சேர்ந்த torrent அடிப்படையிலான தரவிறக்கம் மிகவும் பிரபலமானது. குறிப்பாக பாரிய கொள்ளளவு (Capacity) உள்ள தரவுகளான காணொளி, திரைப்படங்கள், கணினி விளையாட்டுக்கள், மென்பொருள்கள் என பலவற்றை இந்த முறையினுாடாக தரவிறக்கி கொள்வது இன்றைய இணையப்பாவனையாளர்கள் மத்தியில் பிரபலமானது. இதன்போது P2P மென்பொருள்களான utorrent, Bittorrent போன்ற இன்னும் பல மென்பொருள்களை நாம் எமது தரவுகளை தரவிறக்க பயன்படுத்துகிறோம். இந்த முறைக்கு மாற்றீடான முறையை அதுவும் பல விதங்களில் நன்மையளிக்கின்ற முறையை இந்தப்பதிவில் பகிர்ந்து கொள்கிறேன். 

பொதுவாக இணையத்தில் Torrent filesகளை இணையத்தில் சேமிக்கவும் அவற்றை Direct linkஆக மாற்றித்தருவதற்கான சேவையை பல நிறுவனங்கள் வழங்குகிறார்கள். அவ்வாறான ஒரு சேவைதான் bitport இணையத்தளம். அடிப்படையில் இது ஒரு Cloud-based சேமிப்பு வசதியை தருகின்ற தளமாக இருந்தாலும் Torrent தரவிறக்கத்திற்கு இது மிகவும் சிறப்பான பலவசதிகளை தருகிறது.

* பொதுவாக சில முக்கியமான கோப்புகளை torrentஇல் பதிவிறக்க முற்படுகையில் நாம் சந்திக்கின்ற பிரச்சினை Seeds போதாமையினால் வேகமாக கோப்புகளை தரவிறக்க முடியாதுபோவது ஆனால் இவ்வாறான torrentகளை இங்கு பதிவேற்றிவிட்டால் அவற்றை இலகுவாக direct link ஆக தரவிறக்கி கொள்ளலாம். 

* நீங்கள் தரவிறக்கம் torrent சிலவேளை பாதுகாப்பற்றதாக virus, malware போன்றவற்றை உள்ளடக்கியிருக்கலாம் எனவே இங்கு அந்த கோப்புகளை பதிவேற்றுவதன் மூலம் இவர்களின்உ ட்பொதியப்பட்ட Anti-virus scanner அவை எதுவித பிரச்சினையும் இல்லாது இருப்பதை உறுதிசெய்கிறது.

* நீங்கள் தரவிறக்கின்றவற்றை சிலவேளை சேமிக்க இடம் போதாது இருக்கின்றபோது அவற்றை அவர்கள் சேவையகங்களிலேயே சேமிக்கலாம்.

* சிலவேளை நீங்கள் ஒரு திரைப்படத்தையோ அல்லது காணொளியையோ உங்கள் கணினிக்கு தரவிறக்காமல் இணையத்தில் பார்த்தாலே போதுமானது என நினைக்கின்ற சந்தர்ப்பங்களில் அவற்றை இந்த தளத்திலேயே stream செய்து பார்க்கும் வசதியும் உண்டு.

* மிகமுக்கியமாக இந்த வசதிகள் அத்தனையையும் இவர்கள் இலவசமாக தருகிறார்கள் மற்றும் ஏனைய சேவைவழங்குனர்களில் இல்லாத ஒன்றாக இது இருப்பதும் குறிப்பிடத்தக்கது.

இனியென்ன..இங்கு ஒரு கணக்கு திறந்து உங்களின் torrent தரவிறக்கங்களை புதிய வடிவில் இலகுவாக மேற்கொள்ள தொடங்கலாமே... மீண்டும் மற்றொரு பதிவில் சந்திப்போம்.

இணையத்தள முகவரி 

Windows 10 உங்களுக்காக தருகின்ற விஷேட வசதிகள் - ஒரு பார்வை + இலவச தரவிறக்கம்

கணிணி தொழில்நுட்பம் தினமும் புதிய விடயங்களை தன்னுள் உள்வாங்கிக் கொண்டு தன்னை புதுப்பித்துக்கொண்டிருக்கிறது. இங்கே மாற்றம் என்பது ஒரு பொருட்டில்லை என்றாலும் எப்போதாவது ஒருமுறை அடுத்த கட்டத்திற்கான நகர்வு என்று தொழ்ல்நுட்ப ஆர்வலர்கள் என்ற வளையத்தையும் தாண்டி ஏனையவர்களையும் அதன் அதிர்வுகளை உணரவைக்கும்படியாக சில நிகழ்வுகள் அரங்கேறுவதுண்டு. அப்படியாக கடந்த மாதத்தின் இறுதியில் இடம்பெற்ற நம்மில் பலரும் பேசி சிலாகித்து கொண்ட, கணினி உலகின் முன்னோடி Microsoft இனது புதிய இயங்குமுறைமை தொகுப்பான Windows10 மென்பொருள் வெளியீட்டினை கூறமுடியும். இந்த மென்பொருள் தயாரிப்பு பணிகள் துவங்கியது முதலே இம்மென்பொருள் பற்றிய எதிர்பார்ப்புக்கள் கணினி உலகிலே ஆரம்பித்துவிட்டன, காரணம் இதனுடைய வசதிகள் பற்றிய விளம்பரம் ஒருபுறம், தங்கள் முந்தைய வெளியீடுகளான Windows8, 8.1 இனது தோல்வியை சரிகட்டவேண்டிய கடமை மறுபுறமென இந்த விண்டோஸ் பதிப்பை பல கோணங்களில் பார்த்து பார்த்து வடிவமைத்துக்கொண்டிருந்தது. அதுமட்டுமன்றி தங்கள் முன்னைய பயனர்களுக்கு இது முற்றிலுமு் இலவசம் என அறிவித்து ஒட்டுமொத்த பயனர்களின் கவனத்தையும் தங்கள் மென்பொருள் மீது திருப்பவும் Microsoft தவறவில்லை. அந்தவகையில் நம்போன்ற பல தொழில்நுட்ப பிரியர்களும் ஆவலுடன் எதிர்பார்த்திருந்த இந்த மென்பொருள் தொகுப்பு July 29ம் திகதியன்று உத்தியோகபூர்வமாக வெளியானதை தொடர்ந்து பலரும் இதனை பயன்படுத்தி தங்கள் கருத்துக்களை இணையப்பரப்பெங்கும் துாவிக்கொண்டிருக்கிறார்கள். பல Trial versionsகளுக்கு பிறகு இதன் கடைசி பதிப்பு வந்திருப்பதுடன் இனி தனியான ஒரு விண்டோஸ் மென்பொருளை தாம் வெளியிடப்போவதில்லையெனவும் Microsoft அறிவித்திருக்கிறது. மாறாக இந்த மென்பொருளையே பயனர்கள் இணையமூடாக இற்றைப்படுத்தி பயன்படுத்தி கொண்டிருக்கலாம், அதாவது அப்பிள் கைபேசிகளின் iOS இனது செயற்பாட்டினை போன்று இருக்கும்.

உங்களில் பலரும் இப்போதே இதனை பயன்படுத்த தொடங்கியிருப்பீர்கள், சிலர் அறிந்து கொள்ள ஆவலாயிருப்பீர்கள். எனவே இந்த Windows10 மென்பொருள் எந்தெந்த விதங்களில் சிறப்பு பெறுகின்றது, நடைமுறையில் அதன் பயன்பாடு எப்படியிருக்கிறது, என நீங்கள் அறிய ஆவலாயிருக்கிற அனைத்தையும் ஒருங்கே தொகுத்து இந்த பதிவிலே தருகிறேன். மேலதிக இணைப்பாக இலவச தரவிறக்கத்திற்கான இணைப்பையும் பகிர்ந்திருக்கிறேன். முந்தைய பதிப்பான Windows8இனது மேம்படுத்தப்பட்ட பதிப்பு என்பதால் அதன் அடிப்படை வசதிகள் பற்றி ஏற்கனவே தனி பதிவில் குறிப்பிட்டுவிட்டதால் பதிவின் நீளம் கருதி Windows10ற்கு உரித்தான தனி சிறப்புக்களை மட்டுமே இங்கு தந்திருக்கிறேன். அந்த பதிவை வாசித்திராவிட்டால் இந்த இணைப்பில் சென்று படித்துவிட்டு இந்த பதிவை படிப்பது சிறந்தது. உங்கள் கருத்துக்களையுமு் பகிர்ந்து கொள்ளுங்கள்.

# Start Menuவின் விஸ்தீரணம்

விண்டோஸ் பயனர்களுக்கு மிகவும் பரிட்சையமான பகுதி. இது திடீரென Windows8இல் காணாமல் போனதால் பலர் சிரமபட்டதுடன் அதனுடைய குறைகளில் பிரதானமாக கூறப்பட்டதென்பதால் இந்த Startmenuஐ மீண்டும் கொண்டுவந்திருக்கிறது Microsoft. ஆனால் கொஞ்சம் வித்தியாசமாக Windows7இனது சாதாரண Menu மற்றும் Windows8இனது tilesUI இரண்டையும் ஒன்றாக சேர்த்திருக்கிறது. மற்றும் உங்கள் விருப்பத்திற்கேற்ப Single Coloumn, Two column அல்லது Full screen என இந்த Menuவை Resize செய்யவும் முடியும்.

# Cortana உதவி

இந்த வசதி கடந்த காலங்களில் விண்டோஸ் கைபேசிகளுக்கு அறிமுகப்படுத்தப்பட்டதாகும். இப்போது விண்டோஸ்10 இலும் இதனை நீங்கள் பயன்படுத்தலாம். அதாவது மேம்படுத்தப்பட்ட தேடல் பொறி உங்கள் கணினி சார்ந்த நடவடிக்கைகளை கொண்டு தேடல்களின்  உங்களுக்கு பொருத்தமான முடிவுகளை காட்சிப்படுத்தக்கூடிய Artificial Intelligence எனும் வகையிலமைந்த தேடல் பொறி. ஆனால் நீங்கள் விண்டோஸ்10 இனை நிறுவுகையில் உங்கள் Region என்பதில் இலங்கை அல்லது இந்தியா போன்ற இடதை்தை தேர்வு செய்தால் இந்த வசதியை பயன்படுத்த முடியாது. காரணம் தற்போதைக்கு இது ஆங்கிலமொழி மூலமான தேடலை மட்டுமே ஆதரிக்கிறது.

# Task Switcher

உங்கள் கணினியில் ஒன்றுக்கு மேற்பட்ட வேலைகளை செய்யும் போது அவற்றை மாற்றிக்கொள்ள பயன்படுத்துகின்ற Alt+Tab குறுக்குவிசை நம்மில் பலருக்கு தெரிந்திருக்காது. எனவே அதனை ஒரு வசதியாக இந்த பதிப்பில் Microsoft தந்திருப்பதுடன் பெரிய Thumbnails உடன் தோன்றுவதாகவும் வடிவமைக்கப்பட்டுள்ளது. இதனால் குறித்த ஒரு Progrmaeஇலிருந்து இன்னொன்றுக்கு இலகுவாக மாற முடிவதுடன் எமது வேலைகளை விரைவாகவும் செய்ய முடியும்.

#மேம்படுத்தப்பட்ட Command Line Interface

கணிணித்துறையில் developers ஆக இருப்பவர்கள் பெரிதும் பயன்படுத்துகின்ற இந்த வசதி கட்டளைகள் மூலமாக கணினியை இஙக்குவதற்கு பயன்படுத்தப்படுகிறது. இந்த WIndows10இல் இதன் சில வசதிகனை மேம்படுத்தியுள்ளது  Microsoft நிறுவனம். அதவது இத்தனை நாளும் இந்த Command Line Interface விண்டோவை திரையின் பாதியளவு மட்டுமே திறந்து பயன்படத்த முடிவதுடன் ஏதேனும் Folder Pathகளை உள்ளிட வேண்டிய சந்தர்ப்பங்களை அவற்றை முழுவதும் டைப் செய்ய வேண்டும். இது இந்த வசதியை பயன்படுத்துகின்ற பலருக்கும் பெரும் தலையிடியாய் இருந்தது, அனால் விண்டோஸின் இந்த புதிய பதிப்பில் இந்த இரண்டு குறைகளும் நீக்கப்பட்டுள்ளன.

# New Edge browser

Microsoftஇனை பொறுத்தவரையில் ஒரு வினைத்திறனான இணைய வலைமேலோடியொன்றை உருவாக்கி அதில் வெற்றி காண்பதென்பது கடந்த காலங்களில் மிகவும் சவாலாகவே இருந்தது. இவர்களின் Internet Explorer  மென்பொருள் இதற்க்கு சிறந்த உதாரணம். ஆனால் இம்முறை Edge என்ற பெயரில் ஒரு புதிய உலாவியை அறிமுகப்படுத்தியுள்ளது. கூகிள்குரோம் ஜாம்பவான் உலாவிகளுக்கு நிகரான செய்திறனை கொண்டது எனவும் இதனை விளம்பரப்படுத்தியிருக்கிறது. வெறுமனே இணையப்பக்கங்களை மாத்திரமல்லாமல் PDF போன்ற அனைத்துவகையான கோப்பு வடிவங்களையும் இதனுாடாக வாசிக்க முடியும், இதனால் Acrobat போன்ற 3rd Party மென்பொருள்களை நிறுவுகின்ற வேலை மிச்சமாகிறது.

#புதிய வடிவில் Control Panel

எமது கணிணியில் control panel என்றால் என்ன அது என்ன செய்கிறது என்பது நாமறிந்ததே. ஆனால் இங்கு இதனுடைய பெயரை Settings என்று மாற்றப்பட்டுள்ளதுடன் தெரிவுகளை Categoriesஆக காட்சிப்படுத்தியுள்ளது. 

இங்கே நான் குறிப்பிட்ட இந்த பிரதான வசதிகள் தவிர Windows8 மற்றும் Windows7 இனது அடிப்படை வசதிகளோடு வெளிவந்திருக்கிறது இந்த Windows10 இயங்குமுறைமை. இனிவரும் நாட்களில் இதனை பற்றிய விரிவான பதிவுகளை தர முயல்கிறேன். இங்கே WIndows10 Enterprise with crack பதிப்பின் தரவிறக்க இணைப்பை தந்திருக்கிறேன். நிறுவலில் சந்தேகங்கள் இருப்பின் பின்னுாட்டங்களில் பகிருங்கள். மற்றுமொரு பதிவில் சந்திப்போம்..!!

இலவச தரவிறக்கம்   (Password: itcornerblog)

உங்கள் Android சாதனங்களின் Google Play Store இல் ஏற்படும் பிழைகளும் தீர்வுகளும்

கைத்தொலைபேசிகள் நவீனமயமாகிவிட்ட பின் தற்காலங்களில் கணினிக்கு இணையான சாதனமாக அவை மாறியிருக்கிறது. இது Smartphone எனப்படும் விஷேட பதம் கொண்டு இனங்காணப்படுகின்றது. இவ்வாறான Smartphone வகை கைபேசிகளுக்கான இயங்குதளங்கள் (Operating System) முக்கியமானவை. பல நிறுவனங்கள் விதம்விதமான வசதிகளுடன் இயங்குதளங்களை (Operating System) வழங்கினாலும் அனைவராலும் பாராட்டப்படுவது Android இயங்குதளம்தான். வெறுமனே கைத்தொலைபேசிகள் மட்டுமன்றி TabletPC, Watches, Computers போன்ற சாதனங்களும் இவற்றால் வலுப்படுத்தப்படுகிறது. 

இந்த Android சாதனங்களில் செயலிகளை நிறுவி பயன்படுத்துவதற்கு வசதியாக இருப்பது கூகிள் நிறுவனம் வழங்குகின்ற Google Play Store எனப்படும் சேவையகம். இங்கிருந்துதான் Android சாதனங்களுக்கான எந்தவொரு செயலியையும் (Applications) பெற்று பயன்படுத்த வேண்டும். அதே போன்று முன்னமே நிறுவிய செயலிகளை (Apps) இற்றைப்படுத்தவும் (Update) இங்குதான் செல்ல வேண்டும். ஆனாலும் இந்த வேலைகளை செய்கின்ற போது சில இலக்கங்களோடு செய்திகள் தோன்றும், மேலும் செயலிகளை நிறுவமுடியாமலோ, இற்றைப்படுத்த முடியாமலோ இருக்கும். திரும்ப திரும்ப முயற்சித்து சிலர் அப்படியே விட்டுவிடுவோம் அல்லது இலகுவாக Factory reset செய்துவிடுவோம். அப்படி செய்தும் சிலருக்கு பிரச்சினை தொடரும். இவ்வாறு தொல்லை தருகின்ற இந்த பிரச்சினைகள் ஏன் ஏற்படுகின்றன? இதனை தீர்ப்பது எப்படி? 

இவ்வாறு ஏற்படுகின்ற இந்த பிழைகளை தீர்க்க எந்தவொரு தொழில்நுட்பவியலாளரையும் (Technician) நாட வேண்டியதில்லை, நீங்களாகவே உங்கள் சாதனத்தில் உள்ள Optionsஐ கொண்டே அவற்றை தீர்த்துவிடலாம்.

முக்கியமாக: இங்கே நான் பதிவிட்டிருக்கின்ற பிழைகளும் தீர்வுகளும் பொதுவான ஒரு Android பாவனையில் ஏற்படுபவை. பிழைச்செய்திகள் சாதனத்திற்கு சாதனம் வேறுபடலாம். இவைதவிர மேலதிகமாக ஏதேனும் பிழைச்செய்திகளை நீங்கள் எதிர்கொண்டால் பின்னுாட்டங்களில் குறிப்பிடுங்கள் தீர்வைத்தர முடியுமானவரை முயற்சிக்கிறேன்.

# Google Play - Error 491 / Google Play - Error 921 / Google Play - Error 413 / Google Play install error 961

பிரச்சினை:

உங்கள் Android சாதனத்தில் (Device) நிறுவியுள்ள செயலிகளை இற்றைப்படுத்தவோ அல்லது புதிய செயலிகளை நிறுவவோ முடியாமல் இருக்கும்.

தீர்வு:

Settings > Accounts இல் சென்று நீங்கள் Add செய்துள்ள Google கணக்கை நீக்குங்கள். பின் உங்கள் Deviceஐ Reboot செய்யுங்கள். (இதனை செய்ய Power buttonஐ அழுத்திப்பிடிக்க, தோன்றும் Menuஇல் Reboot தெரிவு செய்க) பின்பு மீண்டும் உங்கள் Google கணக்கை உள்நுழைக்கவும். பிறகு Settings > Applications > All applications சென்று அங்கு Google Services என்பதை திறங்கள். தோன்றும் Menuஇல் Clear Data என்பதை கொடுத்து பின் Force Stop என்பதை தெரிவு செய்க.

# Google Play - Error 498

பிரச்சினை:

Google Play Store இலிருந்து செயலிகளை தரவிறக்க/இற்றைப்படுத்த முயற்சிக்கும் போது அவை இடைநடுவில் தானாகவே நிறுத்தப்பட்டு (Interruption) இந்த செய்தி தோன்றும்.

தீர்வு:

இதற்கான காரணம் உங்கள் Android சாதனத்தின் Cache memory நிரம்பிவிட்டதுதான். முதலில் நீங்கள் அதிகம் பயன்படுத்தாத செயலிகள், விளையாட்டுக்கள், Files போன்றவற்றை நீக்கிவிடுங்கள். பின்பு உங்கள் Deviceஐ Recovery Modeஇல் Reboot செய்யுங்கள். (இங்கு Recovery Mode என்பது கணினிகளுக்கான Safe Modeபோல தொழிற்படும்) இதனை செய்ய Samsung Android சாதனங்களில் Volume Down, Power மற்றும் Home buttonsஐ ஒருசேர அழுத்திப்பிடியுங்கள் (Press & Hold). ஏனைய சாதனங்களில் Volume Downமற்றும் Power button. கீழுள்ளது போல தோன்றும் Recovery Mode windowஇல் wipe cache partition என்பதை தெரிவு செய்யுங்கள். பின் அதை உறுதிப்படுத்தினால் Cache clean செய்யப்பட்டு Reboot ஆகும். பின்னர் வழமைபோல Home Screenஐ அடைந்து செயலிகளை நிறுவலாம்.

# Google Play - Error 919

பிரச்சினை:

நீங்கள் Google Play Store இலிருந்து தரவிறக்கிய செயலி (App) முதல்முறை நன்றாக இயங்கும். ஆனால் பயன்படுத்த தொடங்கிய பின் செயலியை திறந்தால் இந்த பிழைச்செய்தி வரும்.

தீர்வு:

உங்கள் Android சாதனத்தில் செயலியை இயக்க போதிய இடம் இல்லையென்பதுதான் இந்த பிழைச்செய்திக்கான காரணம். இதனை தவிர்க்க நல்ல Cache memory cleaner மென்பொருள் கொண்டு அடிக்கடி Cache memory clean மற்றும் Memory boost செய்யுங்கள். Storageஇலுள்ள தேவையற்ற Filesஐ நீக்கிவிடுங்கள்.

இங்கே குறிப்பிட்ட பிரச்சினைகளும் தீர்வுகளும் பொதுவான ஒரு Android சாதனத்தில் Google Play Storeஐ பயன்படுத்தும் போது ஏற்படக்கூடிய பிரச்சினைகள். முறையான பராமரிப்பு இன்மையே இதுபோன்ற சிக்கல்களுக்கு பொதுவான காரணம். இவைதவிர மேலதிக பிழைகளும் தோன்றலாம், அது உங்கள் Android Device Manufactureஐ பொறுத்து வேறுபடும். அவ்வாறானவற்றை பின்னுாட்டங்களில் குறிப்பிடுங்கள் தீர்வைத்தர முடியுமானவரை முயற்சிக்கிறேன். கருத்துக்களை மறக்காமல் பகிர்ந்து கொள்ளுங்கள்.   

இணையத்தில் உலாவரும் வினோதமான் நட்பு வளையங்கள் (social websites) (பகுதி-02)

ஆரம்பிக்க முன், 

கடந்த 4 வருடங்களாக இந்த முகவரியில் IT CORNER தகவல் தொழில்நுட்ப ஆர்வலர்களுக்கான விடயங்களை எழுதிக்கொண்டிருக்கிறேன். இதே வகையில் தொழில்நுட்ப செய்திகனை பகிர்கிற நுாற்றுக்கணக்கான தளங்கள் இருந்தாலும் முன்னர் நீங்களறியாத புதிய தகவல்களையும் ஆழமான பல நுட்பபதிவுகளையும் பகிர்வதால் இந்தவலைப்பதிவு தனித்துவம் பெறுவது நீங்களறிந்ததே, சளைக்காமல் இந்த 4 ஆண்டுகளையும் கடக்க உங்கள் போன்றவர்களின் ஆதரவுதான் உந்துசக்தி. Facebook, google+ போன்ற சமூக வலைத்தளங்களிலும் நீங்கள் தரும் ஆதரவுக்கும் நன்றி. தொடர்ந்தும் விதவிதமாக இங்கே தகவல்களை பகிர்ந்தாலும் தொடர்வாசகர்களாகிய உங்கள் எதிர்பார்ப்பு பூர்த்தியாவது முக்கியமாகையால், தகவல்தொழில்நுட்பம் சார்ந்து நீங்கள் எதிர்பார்க்கின்ற விடயங்கள் பற்றி பின்னுாட்டங்களிலோ அல்லது சமூகவலைத்தளங்களிலோ பகிர்ந்துகொண்டால் இந்த பயணம் இன்னும் இனிதாகும். 

நன்றிகளோடு

Shanojan.A

இணையத்தில் சாதாரணமாக நாம் அறிந்த பொதுமைப்பாடான சமூக வலைத்தளங்களை தவிர்த்து தனித்துவமான சிறப்பம்சங்களோடு இருக்கின்ற வினோத தளங்களை பட்டியலிடுகின்ற முயற்சியின் இறுதிப்பாகமூடாக மீண்டும் இந்த மாதத்தில் உங்களோடு இணைந்து கொள்வது மகிழ்ச்சி. இந்தப்பதிவிலும் மேலும் சில சமூக வலைத்தங்களை பார்க்கலாம்.

# Twitch

நீங்கள் வீடியோ விளையாட்டு பிரியராக இருந்தால் நிச்சயம் உங்களுக்கு இந்த தளம் அறிமுகமாயிருக்கும். வீடியோ விளையாட்டுக்களை விளையாடுபவர்கள் தங்களின் விளையாட்டுக்களை நேரடியாக இங்கே ஒலிபரப்புகிறார்கள். மற்றவர்கள் கருத்து சொல்கிறார்கள். வீடியோ விளையாட்டையெல்லாம் எப்படி பார்ப்பது என நினைக்கிறீர்களா? இந்த தளத்தில் உள்ள ஒவ்வொரு கணக்குக்கும் சராசரியாக 2000-3000க்கிடையிலான பயனர்கள் வருகிறார்கள். அதுமட்டுமல்லாமல் Xbox, PlayStation போன்ற பிரபல நிறுவனத்தயாரிப்புக்கான ஆரம்ப வைபவங்கள் போன்றனவும் இங்கேதான் நடைபெறுகின்றன. நேரடிஒளிபரப்புகளை மேற்கொள்ளவென உள்ள Justintv தளத்தின் உப பிரிவுதான் இத்தளம். 

முகவரி: www.twitch.com

# PatientsLikeMe

இதுவும் கொஞ்சம் வித்தியாசமான சமூகவலைத்தளம், அதாவது தங்கள் வாழ்க்கையில் புற்றுநோய் போன்ற பாரிய நோய்களுக்கு ஆளாகி சமூதாயத்திலிருந்து ஒதுக்கப்பட்டிருக்கிறவர்களுக்கான தளமாகும். தங்கள் போன்ற ஏனையவர்களோடு தங்கள் உணர்வுகளை கருத்துக்களை பரிமாற வழிசெய்கிறது இந்த தளம். மேலும் குறிந்த நோய்களுக்கான மருத்துவ ஆலோசனைகளையும் தெரிந்துகொண்டு அதற்கேற்ப மருந்துகளை எடுக்க இந்ததளம் உதவுகிறது. 2006முதல் இயங்கிவருகிறது. 

முகவரி: http://www.patientslikeme.com/

# SocialVibe

உலகம் முழுவதும் இயங்கிவருகின்ற அறக்கட்டளை நிறுவனங்கள், தொண்டு நிறுவனங்களை ஒன்றாக இணைக்கின்றது இவ்வலைத்தளம். அதுமட்டுமல்லாமல் 4லட்சத்திற்கும் மேற்பட்ட தன்னார்வத்தொண்டர்கள் இங்கே இருக்கிறார்கள். தங்கள் செயற்பாடுகள் பற்றி இங்கே பகிர்கிறார்கள், அவசர உதவிகளையும் பெற்றுக்கொள்கிறார்கள். நீங்களும் இந்த கண்ணியமிக்க குழுவில் இணைந்து கொள்ளுங்கள். 

முகவரி: socialvibe.com 

# CafeMom

உலகிலுள்ள உறவுகளில் தாய்மை தனித்துவமானது, அவ்வாறான தாய்மார்களுக்கான தனியான சமூகவலைத்தளம்தான் CafeMom. தாய்மார்கள் தங்கள் போன்ற ஏனைய தாய்மார்களுடன் கருத்துக்கள், தங்கள் அனுபவங்களை பகிர்ந்து கொள்வதுடன் தங்கள் செல்லக்குழந்தைகளின் குறும்புகளையும் காணொளிகளாக புகைப்படங்களாக பதிவேற்றி பகிர்ந்து கொள்ளக்கூடிய தளம். மேலும் இதன் சிறப்புக்களை தெரிந்து கொள்ள 

முகவரி: Cafemom.com

# DailyStrength

இவ்வுலகில் நீண்டநாள் வாழ்க்கைக்காக நாம் எடுக்கின்ற முயற்சி அளப்பரியது. இவ்வாறு எமது ஆரோக்கியமான வாழ்க்கைக்கு தேவையான உடல் உள ரீதியான ஆலோசனைகளை பெற்றுக்கொள்ள சிறந்த சமூகவலைத்தளமாகும். இதுபற்றிய ஆலோசனைகளை வழங்குகின்ற நிபுணர்கள் இங்கே தங்கள் கருத்துக்களை பகிர்கிறார்கள். 

முகவரி: http://www.dailystrength.org/

# ShareTheMusic

இது முற்றிலுமான ஒரு இசைக்குழுமம், நீங்களும் இசை மீது தீவிர ஈடுபாடுடையவராக இருந்தால் நீங்கள் ரசிக்கின்ற இசையை ஏனைய நண்பர்களோடு பகிரவும் லட்சக்கணக்கான இசைக்கோப்புகளை கேட்கவும் வழி செய்கிறது இந்த இணையத்தளம். ஆனாலும் இதே சேவையை சற்று வித்தியாசமாக வழங்குகின்ற பல சமூகவலைத்தளங்கள் இருக்கின்றன. உதாரணமாக Audimated.com, Buzznet, Gogoyoko, Indaba Music, Last.fm, MOG, Playlist.com, ReverbNation.com, SoundCloud போன்றவற்றை கூறலாம். 

முகவரி: www.ShareTheMusic.com

பகிர்ந்துகொண்ட தளங்கள் தகவல்கள் அனைத்தும் பயனளித்திருக்கும் என்று நம்புகிறேன், மற்றுமொரு பதிவில் சந்திப்போம். உடனுக்குடனான தொழில்நுட்ப தகவல்களுக்கு பேஸ்புக் மற்றும் கூகிள் ப்ளஸ் போன்றவற்றில் பின்தொடருங்கள்.

இணையத்தில் உலாவரும் வினோதமான் நட்பு வளையங்கள் (social websites) (பகுதி-01)

தகவல் தொழில்நுட்பத்தின் வளர்ச்சிப்பாதையில் இணையத்தின் கண்டுபிடிப்பு தகவல் தொழில்நுட்பத்தையே வேறொரு பரிணாமத்திற்கு எடுத்து சென்றது எனலாம். இந்த இணையம் பல்வேறு தரப்பினருக்கும் பலவாறாகவும் பயன்படுகின்ற போதிலும் இணையத்தோடு கைகுலுக்குகின்ற ஒரு தனிமனிதன் பெற்றுக்கொள்கின்ற மிகப்பெரிய வசதி தொடர்பாடல்தான். அதாவது ஆரம்பகாலத்தில் மனிதன் இணையமூடாக வந்த மின்னஞ்சல் வசதி மூலமாக தன் தொடர்பாடலை மேம்படுத்தி நட்புக்கள், உறவுகளை வலுப்படுத்தி கொண்டான். இவை முந்தைய கணினி தலைமுறையுடன் (4th Generation) கழிய, நாம் நுழைந்திருக்கும் இந்த கணினி தலைமுறையில் (5th Generation) சமூக வலைத்தளங்கள் என்ற புதிய கருவி தோற்றம் பெற்றதும் இன்று இவை சமூகத்தையே ஆட்டுவிக்கும் மிகப்பாரிய சக்தியாக உருவெடுத்திருப்பதும் கண்கூடு. இருந்தபடியே உலகின் பல்வேறு மூலைகளிலும் வாழும் எந்தவொரு தனிநபருடனும் இலகுவாக தொடர்புகொள்ள முடிவதும், தகவல்களை பரிமாற முடிவதும் இதன் சிறப்பு. சமூக வலைத்தளங்கள் (Social networking websitees) பற்றி பேசுகையில் அடுத்துவருவது இந்த சேவையை வழங்குகின்ற நிறுவனங்கள். Facebook, Twitter, Google+ போன்றன இவற்றிற்கான உதாரணங்கள்.

இந்த நிறுவனங்களும் அவற்றின் இணையத்தளங்களும் சாதரணமாக நமக்கு பரிட்சயமாகிப்போனவை. இவை பொதுமைப்பாடான (General) செயற்பாடுகளை கொண்டவை. ஆனால் இணையத்தில் நாமறியாத ஆயிரக்கணக்கான பல வினோத சமூகவலைத்தளங்கள் வித்தியாசமான தன்மைகளுடன் உலாவருகின்றன. 

நாள்தோறும் Facebook, Twitter, Google+ என்று அலைகின்ற உங்கள் இணையநட்பு உலாவலை சுவாரஸ்யமாக்குவதற்கான, நான் சொன்ன இந்த வினோத சமூகவலைத்தளங்களின் தொகுப்புதான் இந்தபதிவு. நட்புக்கள் பலவிதம் ஒவ்வொன்றும் ஒரு விதம்.

# Advogato

கணினித்துறைசார் செயல்நிரலாளர்களுக்கான (Software Developers) சமூக வலைத்தளமாகும். அதிலும் Open Source என அழைக்கப்படுகின்ற திறந்தமூல செய்நிரல்களை வடிவமைக்கின்றவர்கள் ஒன்றுகூடுகின்ற இணையத்தளம். ஆயிரக்கணக்கான கணினி செய்நிரல் வடிவமைப்பாளர்கள் தினமும் இங்கு தங்கள் தொழில்சார்ந்து பல விடயங்களை பகிர்கிறார்கள். தங்கள் மென்பொருள் படைப்புக்கள் பகிர்ந்துகொண்டு அவைபற்றிய கருத்துக்களையும் அறிந்து கொள்கிறார்கள். இந்த வலைத்தளம் 1999முதல் இயங்கிவருகிறது. கிட்டதட்ட 13,500க்கும் அதிகமான அங்கத்தவர்களுடன் இயங்குகிறது. நீங்களும் ஒரு செய்நிரல் வடிவமைப்பாளராக இருந்தால் உடனே இணைந்து கொள்ளுங்கள்.
முகவரி: http://www.advogato.org/

# deviantART

பெயரிலுள்ளது போன்றே சித்திரக்கலைஞர்களுக்கான சமூகவலைத்தளம் இது. இங்கே அங்கத்தவராக நமக்கு சித்திரம் கைவந்த கலையாக இருக்க வேண்டுமென்பதில்லை. சாதரணமாக நாம் பிரபல ஓவியர்களையும் அவர்களின் படைப்புகளையும் ரசித்திருப்போம், ஆனால் பல கலைஞர்கள் தங்கள் படைப்புகளை இங்கே பகிர்கிறார்கள். அது பற்றி விவாதிக்கிறார்கள். பல ஓவியப் போட்டிகளும் நடாத்தப்படுகின்றன. 22கோடிக்கும் அதிகமான அங்கத்தவர்கள் இருக்கிறார்கள். 2000ம் ஆண்டு முதல் இந்த தளம் இயங்கிவருகிறது.
முகவரி: http://www.deviantart.com/

# italki.com

இதுவும் சற்று வித்தியாசமான சமூகவலைத்தளம்தான். புதிய புதிய மொழிகளை கற்றுக்கொள்வதில் ஆர்வமுடையவரா அப்படியானால் உங்களுக்கான தளம் இதுதான். 100க்கும் அதிகமான மொழி பேசுகிறவர்கள் மொழிகளை கற்றுக்கொண்டும் கற்றுக்கொடுத்து கொண்டும் இருக்கிறார்கள். மேலோட்டமாக உலாவினாலே (browse) பல சுவாரஸ்யமான மொழிகள், வார்த்தைகளை அறிந்துகொள்ளலாம். நம் தமிழ் இங்கு எந்தளவில் இருக்கிறதென்று நான் ஆராயவில்லை. யாராவது பயன்படுத்துகிறவர்கள் பின்னுாட்டங்களில் பகிருங்கள். நீங்களும் இன்றே தமிழ் வகுப்பு நடாத்த தொடங்கலாமே..
முகவரி: http://www.italki.com/

# WeeWorld

இணையம் எந்தளவு சுதந்திரமான ஊடகமோ அந்தளவுக்கு தனிமனித பாதுகாப்பும் சுதந்திரமும் குறைவான ஊடகமும் கூட. இதனாலேயே பிரபலமான சமூக வலைத்தளங்கள் 16வயதுக்கு குறைந்த Teenagersஐ அனுமதிப்பதில்லை. ஆனால் அவ்வாறான சிறுவர்கள் தங்கள் தனித்துவமான உலகை தங்களைப்போன்றவர்களுடன் பகிர்ந்துகொள்கிறார்கள. இங்கு கணக்கு ஆரம்பிக்க வயதெல்லை 9 தொடக்கம் 17 இற்கு இடைப்பட்டிருக்க வேண்டும்.
முகவரி: http://www.weeworld.com/

# LibraryThing

புத்தக வாசிப்பு என்பது இன்று மிகவும் அருகிவிட்ட ஆனால் மிகவும் சுவாரஸ்யமாக பொழுதுபோக்கு. அவ்வாறான புத்தக பிரயர்களை ஒன்றுசேர்க்கின்றது இந்த இணையத்தளம். 18பில்லியனுக்கும் அதிகமான புத்தகங்கள் உண்டு. அடிப்படையில் இது Online Library அல்ல. நீங்கள் படிக்கின்ற புத்தகங்களை பற்றிய கருத்துக்களை் விமர்சனங்களையும் அந்த புத்தகத்திற்கான தரவிறக்க இணைப்புக்களையுமே இங்கு பகிரலாம்.
முகவரி: https://www.librarything.com/

# Cucumbertown

இது கொஞ்சம் ருசியான சமூகவலைத்தளம். சாப்பிட பிடிக்காதவர்கள் யார்? சாப்பாட்டு பிரியர்களுக்கு மட்டுமல்லாமல் சுவையான உணவுகளை தயார்செய்யும் chefsஇற்கான சமூகவலைத்தளம். பிரபல ஹோட்டல்களின் chefsகூட இங்கே இருக்கிறார்கள். சுவையான உணவு செய்முறைகளை பகிர்ந்துகொள்கிறார்கள். இங்கு அங்கத்தவராகுவதற்கு நீங்கள் சமையல் வல்லுநராக இருக்க வேண்டுமென்பதில்லை, சாதாணமாக நாம் செய்கின்ற உணவுகளின் செய்முறைகளை கூட பகிரலாம். ஏனையவர்களிடமிருந்து ஆலோசனைகளையும் பெற்று கொள்ளலாம்.
முகவரி: http://www.cucumbertown.com/

ஆயிரக்கணக்கான வினோத சமூக வலைத்தளங்களில் 6 ஐ மட்டும் இங்கே பட்டியலிட்டிருக்கிறேன். அடுத்த பாகத்தில் வேறு வினோதமான 6 தளங்களோடு சந்திப்போம்.

"நட்புக்கள் தொடரும்"