25 ஜனவரி, 2014

நீங்களே உருவாக்கலாம் - ஒரு எளிய RAM Cleaner மென்பொருள்




2014ம் வருடம் பிறந்து 25வது நாளில்தான் இவ்வருடத்தின் முதல் பதிவு எழுத வேண்டும் என்ற சிந்தனை வந்தது. எனவே வேலைப்பளு, நேரப்பற்றாக்குறை இவற்றுக்கிடையில் சில மணிநேரங்களை கண்டுபிடித்து இப்பதிவை தயாரித்து தட்டச்சு செய்து பகிர்கிறேன். இதுவும் ஒரு Computer Trick வகையை சார்ந்த பதிவு/விடயம்தான். அதாவது நாம் கணினி என்ற சாதனத்தை பலவற்றுக்கும் பலவாறாகவும் பயன்படுத்துகிறோம் என்பது தெரியும். அதற்கேற்றால் போல விதம்விதமான மென்பொருள்களையும் உபயோகிக்கிறோம். 

அதே போன்று சரியான கால இடைவெளியில் கணினி பராமரிக்கப்பட்டால் மட்டுமே அதன் இயக்கம், வருவிளைவு ஆகியன உச்சமாக இருக்கும் என்பதும் தெரியும். இங்கே கணினி பராமரிப்பில் பல வகைகள் இருக்கின்றன. அதிலொன்றுதான் உங்களுடைய கணினியின் முதன்மை நினைவகமான RAM இனை சுத்தம் செய்வது (பௌதீக ரீதியாக அல்ல). இதற்காக பல மென்பொருள்கள் இலவசமாகவும் பணம் செலுத்தி பெற வேண்டியவையாகவும் கிடைக்கின்றன. பலருக்கு அதில் எது சிறந்தது? என்கின்ற பிரச்சினை வேறு. 

ஆனால் எங்களுடைய கணினியின் Notepad மென்பொருளைக் கொண்டே அதனை செய்து முடித்துவிடலாம். பின்வரும் படிமுறைகளை பின்பற்றுங்கள்.

Step 01: Notepad ஐ திறந்து பின்வருமாறு தட்டச்சு செய்யுங்கள். 
                      
                                                                   "      FreeMem=Space(10240000000)     "

* இங்கு 1024 என்று குறிக்கப்பட்டது உங்களுடைய RAM இன் கொள்ளளவு ஆகும். நீங்கள் 512MB கொள்ளளவு உள்ள RAM ஐ பாவிப்பவரானால் மேலேயுள்ள Code ஐ 1024 இற்கு பதிலாக 512 என மாற்றுக.

Step 02: பின்னர் அந்த File ஐ Cleaner.vbs என்ற பெயரில் எங்குவேண்டுமானாலும் சேமியுங்கள். (Desktop ஆக இருப்பது நல்லது.)

Step 03: நீங்கள் Save செய்த இடத்தில் தோன்றுகின்ற Icon ஐ இரட்டை கிளிக் செய்து Run பண்ணினால் உங்கள் RAM சுத்தம் செய்யப்பட்டுவிடும். 

கருத்துக்களை பின்னூட்டங்காக பகிருங்கள்.

கருத்துகள் இல்லை:

Share With your friends